Club de montaña Xesteiras

A comezos do ano 2012 constitúese o Club de Montaña Xesteiras, contando con dúas seccións principais: carreira de montaña e BTT.

Os fins deste clube, ademáis dos deportivos son:

• Fomento da actividade física entre os veciños de Cuntis e aquelas persoas de fóra de Cuntis aos que lles guste disfrutar do seu tempo de lecer ao aire libre.
• Dar a coñecer as fermosas rutas e camiños de Cuntis e o seu entorno: Xesteiras, Castrosevil, Mesego, Cabalar, Monte de Arcos, Cábado...
• Dar a coñecer o Concello de Cuntis, que ademáis do turismo de balneario pode ofrecer turismo activo e de aventura: BTT, sendeirismo...

Dentro das actividades a desenvolver na sección de BTT destacan:

• Ruta do lacón: ruta BTT que coincide coa festa do lacón e que en 2012 tivo a súa I edición, contanto con 45 quilómetros polos montes de Laxos, Castrosevil, Mesego, Ouzande, Zo, Arcos, Castrolandín e Campaíñas.
• Ruta BTT do Xesteiras: esta ruta que tivo a súa primeira edición no 2011 reúne no mes de agosto ós ciclistas dispostos a subir o monte Xesteiras.
• Saídas dos domingos: tódolos domingo pola mañá reúnense en Cuntis un número importante de ciclistas para recorrer os montes do entorno.

Dentro das actividades a desenvolver na sección de montaña destacan:

• Promocionar a celebración dun campionato galego de carreiras de montaña.
• Estudiar a posibilidade de facer un fin de semana adicado ao trail, con 3 días de competicións deportovas polos nosos montes.
• Celebración de unha ruta de sendeirismo cada mes, facendo rutas asequibles a tódalas idades e niveis.